29/05/2014 22:09:20

Bashkia Shkodër 'harron' Vllazninë e futbollit

Në mbledhjen e Këshillit Bashkiak mbajtur sot kur prritej të flitej për situaten te klubi futbollit Vllaznia, ndodhë e kundërta nuk flitet

HermesNews - Në mbledhjen e Këshillit Bashkiak mbajtur sot kur pritej të flitej për situatën tek klubi i futbollit Vllaznia, ndodhi e kundërta. Në rendin e dites në këtë mbledhje ka pasur:

1. Projekt vendim "Per dhënien e ndihmës ekonomike, të paftësisë dhe invalidëve të punës për muajin Maj 2014".

2. Projekt vendim " Per pagesen e 2 punonjesve (vrojtues, sinjalizues) per parandalimin dhe mbrojtjen e pyjeve nga zjarri“.

3. Projekt vendim “Për miratim fondi per shperblim dhe trajtim ushqimor per ekipin kampion Vllaznia Basketboll per meshkuj“.

4. Projekt vendim “Për dhënie shpërblimi ekipeve kampion të futbollit “Vllaznia U-19“ dhe “Vllaznia U-17“.

Pra siç dhe shihet nuk ka pasur vend për diskutime nga ana e këshilltarëve mbi situatën e ekipit shkodran. Edhe pse krybashkiaku Luka deklaroi para disa ditësh që për Vllazninë ishin të interesuara rreth 10 biznese/kompani.

Fundi i javës ishte momenti i duhur për zgjidhjen e situatës në klubin shkodran, por Bashkia vazhdon të hesht. Ajo duhet të vendosë nëse do vazhdojë ta drejtojë Bashkia Shkodër siç po bën tani, apo të kalojë ekipin në drejtimin e biznesit.

Kujtojmë se deri tani pretendent për drejtimin e ekipit shkodran janë: ish presidenti Fushaj, kompania zvicerane Geasport, deputeti Tom Doshi apo dhe së fundi një grup gjerman që nuk ka shumë informacione.

Arbër Meçenovi

Dërgo me email | Stampo artikullin